เนื้อเพลง : คนหัวล้าน

หมวดหมู่: เนื้อเพลง |
คนหัวล้าน
ชื่อเพลง : คนหัวล้าน
นักร้อง : ครูแอ็ด
ผู้แต่ง :
จำนวนผู้ชม :
ให้คะแนน :

..เกิดมา น้อยอกหมองใจ๋
เกิดมา น้อยอกหมองใจ๋
ไปหันไผ๋ๆเขาก็จ้าดหล่อ
มาก้มลงผ่อ
ตั๋วเฮาแล้วใคร่ต๋าย
เหลียวผ่อตางใด
มันก็บ่งามเสี้ยงตี้
เขี้ยวก็ยี่ แก่นต๋าก็ตี่ ก็แต๊บ
ฮู้ดัง ก็แหม็บ
ผ่ออย่างฮูปู๋ตี๋นตื้บ
หัวล้านเป๋นคืบ
หน้าผากเป๋นหลืบเป๋นจั้น
หัวใสเป๋นมัน
ผ่ออย่างตะวันยามเตี่ยง

..เกิดมาหัวล้านหัวอง
เกิดมาหัวล้านหัวอง
หัวใสโยงๆ
ผ่ออย่างกระทงเดือนยี่
ก๋ายน้องก๋ายปี้
เขาก็จ่มเหม็นเขียว
ขนาดว่าอยู่คนเดียว
ยังเหม็นเขียวตั๋วเก่า
หัวล้านอย่างเฮา
ฮ้องล้านวาสนา
หมู่สูบ่าถ้ามา
นึกอิจฉาว่าบ่น
หมู่สูหลายคน
บ่าถ้ามาบ่นอิจฉา
เพราะว่าสูเขาเกิดมา
บ่หมีปั๋ญญาหัวเถิก

..ล้านคนเดียว
มันตึงบ่เกี่ยวข้องไผ๋
ล้านคนเดียว
บ่เกี่ยวข้องไผ๋
ผมมันหลุดออกไป
เหมือนเงินบาทไทยลอยล่อง
บ่าต้องง้อจ้อง
ง้อหมวกง้อหวี
ประหยัดเงินดี
บ่าถ้าง้อหวีง้อหมวก
ไปไหนก็สะดวก
บ่าถ้าง้อหมวกง้อหวี
ประหยัดเงินดี
บ่าถ้าง้อหวีง้อหมวก
ไปไหนก็สะดวก
บ่าถ้าสุบหมวกกั๋นน็อค
ต๋ำหนวดตึงบ่าล็อค
นึกว่ากั๋นน็อคพิเศษ

..หัวตางบนบ่มีขนสีดำ
หัวตางบนบ่มีขนสีดำ
มันย้ายมาต่ำ
มาดกดำตางลุ่ม
เป๋นหยุบเป๋นหยุ่ม
เป๋นหยุ่มเป๋นหยุบ
เป๋นหยุบเป๋นหยุ่ม
ต๋ามเก๊าแฮ้เก๊าแขน
มีเงินซักแสน
จะปลูกผมแตนเชิดหยิ่ง
เอาอย่างดอนคิงส์
โปรโมเตอร์เงินหนา
หัวอย่างป่าหญ้าคา
ไผ๋ ก็ว่าแน่
บ่าเดี่ยวเฮาแย่
เพราะบ่หมีเงินถัง
หัวอย่างอิ๊กคิวซัง
มันเลยบ่าดังสักเตื้อ

..หัวตางบนบ่มีขนสีดำ
หัวตางบนบ่มีขนสีดำ
มันย้ายมาต่ำ
มาดกดำตางลุ่ม
เป๋นหยุบเป๋นหยุ่ม
เป๋นหยุ่มเป๋นหยุบ
เป๋นหยุบเป๋นหยุ่ม
ต๋ามเก๊าแฮ้เก๊าแขน
มีเงินซักแสน
จะปลูกผมแตนเชิดหยิ่ง
เอาอย่างดอนคิงส์
โปรโมเตอร์เงินหนา
หัวอย่างป่าหญ้าคา
ไผ๋ ก็ว่าแน่
บ่าเดี่ยวเฮาแย่
เพราะบ่หมีเงินถัง
หัวอย่างอิ๊กคิวซัง
มันเลยบ่าดังสักเตื้อ.



เนื้อเพลงอื่น ของ ครูแอ็ด

เนื้อเพลง คนหัวล้านในเว็บไซต์นี้ สิทธิในเนื้อเพลงยังคงเป็นของผู้ประพันธ์หรือผู้ถือสิทธิเช่นเดิม ทางเว็บไซต์จัดทำเพื่อเผยแพร่เพื่อการศึกษาเท่านนั้น และทางเว็บไซต์ไม่มีบริการดาวน์โหลด MP3 เพลง คนหัวล้านหรือบริการดาวน์โหลดใดๆ ซึ่งเป็นการกระทำที่ผิดลิขสิทธิ และผิดกฎหมาย- วิดีโอที่เกี่ยวกับเพลง คนหัวล้านเป็นบริการของยูทูป ซึ่งแสดงอัตโนมัติ หากพบเห็นวิดีโอไม่เหมาะสมกรุณาคลิกบนวิดีโอนั้นไปที่เว็บไซต์ยูทูปเพื่อแจ้งกับทางยูทูป และ/หรือ หากเจ้าของผลงานเพลง ไม่ต้องการให้เผยแพร่เนื้อเพลงสามารถ แจ้งมาทางเว็บมาสเตอร์ เพื่อทำการลบเนื้อเพลงออกครับ