เนื้อเพลง : ชะต๋าวันเกิด

ชะต๋าวันเกิด
ชื่อเพลง : ชะต๋าวันเกิด
นักร้อง : เสมา เมืองเม็งราย
ผู้แต่ง :
จำนวนผู้ชม :
ให้คะแนน :

..ฟังเน้อต่านเจ้าอาวอา
ฟังเน้อต่านเจ้าอาวอา
ผมจะยกต๋ำฮา
จะต๋าบ่าเก่า
นำมาเล่าว่าไผ๋เกิดวันหยัง
ลองปากั๋นฟัง ว่าจะแต๊ก่อ
หากว่าหมอ ดูบ่ถูกใจ๋
ขอสุมาอภัย
เนอนายน้องปี้

..คนเกิดวันอาทิตย์
เป๋นเจ้าความคิด
จิตฮ้อนสน่อย
ชอบก๋ารแต่งตั๋ว
ใจ้ สตางค์บ่อย
เป๋นคนบ่ชอบ เก็บฮอม
แต่ขยันหมั่นเพียร อาละ
ความฮักนั้นกา
เป๋นคนเนื้อหอม
ขนาดเป๋นหม้าย
บ่ตันเกิ่งตอน
รับรองแน่นอน
บ่าวจะมาหาถี่

..อันคน เกิดวันจันทร์
อารมณ์อ่อนหวาน
จิตใจ๋โอนอ่อน
ขยันหมั่นเพียร
บ่ค่อยพักผ่อน
ว่าอนาคต เขาดี
ในเรื่องความฮัก
ผิดหวังบ่อยครั้ง
หาคนจริงจัง บ่าหมี
ต๋ำฮาบอกไว้ เข้าที
สุดท้ายจะมีเมียหนุ่ม

..คนเกิด วันอังคาร
อารมณ์ต้องการ
ร้อนแรงทางเพศ
เสน่ห์ตรงข้าม
เขาแสนวิเศษ
มีรูปลักษณ์หล่อ เข้าที
มีเปื้อนฝูง มากมายยิ่งนัก
คนฮักเหมือนเสื้อ หลายสี
ชีวิตเขาสุข โขดี
สุดท้ายจะมีเมียแก่

..คนเกิด วันพุธ
บ่มีสิ้นสุด ค้าขายตลอด
ทำมาหากิ๋น เอาตั๋วรอด
จิตใจ๋สปอร์ต นักแก
ฮักเดียวใจ๋เดียว เตี่ยงมั่น
นิสัยเขานั้น บ่หว่านแห
ชีวิตบ่มี ปรวนแปร
สบายนักแล
ต๋ำฮาเปิ้นบอก

..คนเกิด วันพฤหัส
จะต๋าแน่ชัด ฐานะดีพ่อง
บ่ตุ๊กจ๋นเฒ่า หลังก่อง
ปี่น้องจ่วยเหลือ เจือจาน
ทำก๋ารเกษตร ก้าวหน้า
แต่ว่าก็แสน สงสาร
ต๋ำฮาว่ากั๋วเมีย
ปอประมาณ
บ่ฮู้เหมือนกั๋น ว่าจะแต้ก่อ

..คนเกิด วันศุกร์
ชีวิตสนุกเริงร่า
นิสัยใจ๋คอ เข้าท่า
บ่ค่อยเอาเปรียบ คนใด
ความฮักบ่มี จ๋ำกัด
บอกแน่ชัด ขอแค่หัวใจ๋
แม่ฮ้างลูกติดก็บ่เป๋นใด
วันศุกร์สบาย หายห่วง

..คนเกิด วันเสาร์
ชีวิตของเขา บ่แน่
ชื่นชอบไปตาง
ศิลปะแหนแห่
ดีดสีตี๋เป่า เข้าวง
หันเหตางรำ ตางร้อง
ชอบมีคู่ห้องเป๋นโขยง
ส่วนคนตี้เขา
จะร่วมหอลงโรง
อายุก็คงเลข สี่.


เนื้อเพลง ชะต๋าวันเกิดในเว็บไซต์นี้ สิทธิในเนื้อเพลงยังคงเป็นของผู้ประพันธ์หรือผู้ถือสิทธิเช่นเดิม ทางเว็บไซต์จัดทำเพื่อเผยแพร่เพื่อการศึกษาเท่านนั้น และทางเว็บไซต์ไม่มีบริการดาวน์โหลด MP3 เพลง ชะต๋าวันเกิดหรือบริการดาวน์โหลดใดๆ ซึ่งเป็นการกระทำที่ผิดลิขสิทธิ และผิดกฎหมาย- วิดีโอที่เกี่ยวกับเพลง ชะต๋าวันเกิดเป็นบริการของยูทูป ซึ่งแสดงอัตโนมัติ หากพบเห็นวิดีโอไม่เหมาะสมกรุณาคลิกบนวิดีโอนั้นไปที่เว็บไซต์ยูทูปเพื่อแจ้งกับทางยูทูป และ/หรือ หากเจ้าของผลงานเพลง ไม่ต้องการให้เผยแพร่เนื้อเพลงสามารถ แจ้งมาทางเว็บมาสเตอร์ เพื่อทำการลบเนื้อเพลงออกครับ